13 nov. 2008

Ulex europaeus


O toxo, toixo, árgoma ou touxo é unha planta endémica de Galicia e do norte de Portugal. É un arbusto espiñento moi ramificado e con espiñas finais, carece de follas e ten pequenas flores amarelas que reciben o nome de chorima ou xorima.
Dise que "o toxo sempre está en flor en Galicia", isto é debido a que hai tres especies de toxo que florecen en distintas épocas do ano. O ulex nanis (toxo gateño, molar ou mouro) é o máis pequeno e florece no outono, o ulex galli (toxo femia) é máis grande que o anterior e florece a mediados do verán e o ulex europaeus (toxo arnal) é o máis grande e florece na primavera e a principios do verán.
Usábase tradicionalmente como estrume para as cortes e había que apañalo cando aínda era novo e tiña pouca altura. Forma as coñecidas toxeiras.

Alba Constenla

No hay comentarios: