31 ene. 2009

As pontes da Vía da Prata

Ao longo do camiño que unía Mérida con Astroga, é dicir, a Vía da Prata, foi preciso construír pontes para facilitar o camiño, xa que é un percorrido no que abundan os ríos. Os romanos eran expertos neste tipo de construccións. Os máis antigos estaban feitos de madeira, pero pouco a pouco foise cambiando o uso deste material pola pedra, extraída de canteiras próximas, en forma de bloques, que eran erguidos por grúas que movían os escravos.
Normalmente o seu deseño baseábase nun ou varios arcos de medio punto que se apoiaban sobre piares. Sobre esta estructura discorre a vía pola cal se circulaba. Cando a ponte atravesaba un río, era necesario o uso de ataguías, pequenos diques cuxa función era desviar a auga. Dentro das ataguías construíanse os piares, e unha vez rematado este proceso facíanse os arcos. Finalmente, facíase a superficie da calzada e levantábanse os parapetos. Logo o pontífice consagraba a ponte.
Na fotografía podemos ver o contraste entre unha das pontes romanas que atravesan o río Guadiana ao seu paso por Mérida, e unha ponte de recente construcción, chamada Santiago de Calatrava.

Por Alba Vázquez Touceda e Marta Rodríguez Castro.

No hay comentarios: