Mostrando entradas con la etiqueta gallaecia. Mostrar todas las entradas
Mostrando entradas con la etiqueta gallaecia. Mostrar todas las entradas

28 may 2007

Viam Stratam

Nace hoxe unha nova bitácora no planeta da blogosfera, e recibe o nome do topónimo latino da Estrada, que alude as varias capas de materiais que se utilizaban para construír unha via romana, concretamente a via XIX, que, saíndo de Bracara Augusta (Braga) con destino a Asturica Augusta (Astorga), dúas capitais dos tres conventus iuricidi nos que se dividía a Gallaecia romana (o outro era Lucus Augusti, Lugo), pasaba moi preto da actual vila da Estrada.

Este é un blog creado para que os alumnos de Latín e Cultura Clásica do IES Manuel García Barros da Estrada teñan un espazo onde publicar os seus traballos de aula, ou calquera outro material relacionado coa cultura grecolatina.
Imos comezar cunha serie de entradas referidas á pegada da mitoloxía grego-romana na historia da arte, astronomía, etc.